Honorado de sanktuloj

Honorado de sanktuloj aŭ kultado de sanktuloj estas la ago montri specialan honoron aŭ respekton al persono (forpasinta, plej ofte sanktulo aŭ beatulo, kaj multe pli malofte, vivanta) aŭ al sankta objekto (ekzemple, al relikvo).

La latina vorto por tiu koncepto, veneratio, simile en la itala, venerazione, kaj en aliaj eŭropaj lingvoj, devenas el la latina verbo venerare, kiu signifas montri riverencon kaj respekton. Tiu vorto devenas el la sama radiko de la nomo Venuso, la diino de la amo de la antikva roma panteono.^[1]

Honorado de sanktuloj estas praktikata en kristanismo, sed ankaŭ aliaj gravaj religioj praktikas ĝin en iuj branĉoj.

1. ↑ Identigita pli poste kun la greka Afrodito.